"វិទ្យាសាស្ត្របរិស្ថាន" បានក្លាយជាប្រធានបទថ្ងៃទី១ នៃកម្មវិធីមហោស្រពពិព័រណ៍វិទ្យាសាស្ត
រាជធានីភ្នំពេញ៖ មហោស្រពពិព័រណ៍វិទ្យាសាស្ត្រកម្ពុជាប្រចាំឆ្នាំលើកទី១៦ នាថ្ងៃទី១ បានបញ្ចប់ទៅ ក្រោមប្រធានបទ "វិទ្យាសាស្ត្របរិស្ថាន" ដោយឆ្នាំនេះជាលើកទី១ហើយដែលកម្មវិធីនេះ បានប្រព្រឹត្តទៅតាមប្រព័ន្ធអនឡាញជំនួសវិញ ដោយសារវិបត្តិនៃជំងឹកូវីដ-១៩។
ឯកឧត្ដមបណ្ឌិតសភាចារ្យ ហង់ជួន ណារ៉ុន រដ្ឋមន្ត្រីក្រសួងអប់រំ យុវជន និងកីឡា និងឯកឧត្ដម សាយ សំអាល់ រដ្ឋមន្ត្រីក្រសួងបរិស្ថាន បានផ្ដល់កិត្តិយសថ្លែងសុន្ទរកថាស្វាគមន៍ និងបើកកម្មវិធី ដែលគ្រោងនឹងប្រព្រឹត្តទៅរយៈពេល៥ថ្ងៃ ចាប់ពីថ្ងៃទី២៥-២៩ ខែមករា ឆ្នាំ២០២១។
ក្នុងឱកាសនោះឯកឧត្ដមបណ្ឌិតសភាចារ្យ បានមានប្រសាសន៍លើកទឹកចិត្តក្មួយៗសិស្សានុសិស្ស ដែលបានចូលរួមក្នុងព្រឹត្តិការណ៍នេះ ឱ្យត្រងត្រាប់ស្ដាប់ ទទួលយកទស្សនាទានថ្មីៗ និងឱកាសនានាពីការអប់រំស្ទែមដែលជាមុខវិជ្ជាដ៏មានសក្ដានុពលសម្រាប់ពេលបច្ចុប្បន្ន និងអនាគត។ ឯកឧត្ដមបានវាយតម្លៃខ្ពស់ចំពោះក្រុមការងាររៀបចំមហោស្រពពិព័រណ៍វិទ្យាសាស្រ្តកម្ពុជាប្រចាំឆ្នាំ ដែលជាពិព័រណ៍ស្ទែមនៅលើបណ្ដាញអនឡាញដំបូងគេបង្អស់នៅក្នុងប្រទេសកម្ពុជា។ ព្រមទាំងបានថ្លែងអំណរគុណចំពោះម្ចាស់ឧបត្ថម្ភ និងដៃគូសហការទាំងអស់ ដែលជួយឱ្យព្រឹត្តិការណ៍នេះអាចប្រព្រឹត្តទៅបាន។ តាមរយៈពិព័រណ៍ដូចនេះ ប្រទេសកម្ពុជាបានចូលរួមជាមួយពិភពលោក ក្នុងការរួមចំណែកកសាងអនាគតប្រកបដោយចីរភាព។
សូមជម្រាបថា សម្រាប់ថ្ងៃទី១នេះ មានកម្មវិធីផ្សេងៗដូចជា ការអប់រំអំពីអ្វីដែលហៅថាវិទ្យាសាស្ត្របរិស្ថាន ការសម្ដែងសិល្បៈ ការធ្វើបទបង្ហាញ កម្មវិធីប្រកួតប្រជែង Smart STEM Challenge សិក្ខាសាលាស្ដីពី "អាជីពក្នុងវិស័យវិទ្យាសាស្ត្របរិស្ថាន" និងការទស្សនាខ្សែភាពយន្តផ្សេងៗផងដែរ ដែលសុទ្ធសឹងមានអត្ថប្រយោជន៍សម្រាប់យុវជនក្នុងការស្វែងយល់ និងឈោងចាប់ឱកាស៕
បន្ទាប់: ពិធីសម្ពោធប្រកាសដាក់ឲ្យប្រើប្រាស់ជាផ្លូវការ បង្គន់អនាម័យ បរិក្ខារលាងសម្អាតដៃ និងសម្ភារៈ
ការអានដែលទាក់ទង
- កិច្ចប្រជុំអនុគណៈកម្មការខ្លឹមសារនៃការរៀបចំកិច្ចប្រជុំអាស៊ានឆ្នាំ២០២២
- រឿងភាគខ្មែរថ្មី ដែលផ្សព្វផ្សាយពីដំរីខ្មែរ និងតំបន់ភូមិភាគឦសានកម្ពុជា
- សមត្ថកិច្ចឃាត់ខ្លួនជនសង្ស័យ ៥នាក់ក្នុងការបង្ក្រាបករណីប៉ុនប៉ងឃាតកម្ម
- US Centres for Disease Control and Prevention make significant contributions to improve the well-bei
- រដ្ឋប្រមូលចំណូលចរន្តបានជិត ៤ពាន់លានដុល្លារ !
- កម្ពុជារកចំណូលជាង៤៤៥លានដុល្លារ ពីការនាំចេញជ័រកៅស៊ូ និងឈើកៅស៊ូ
- ការដេញថ្លៃបណ្តាញអគ្គិសនីក្នុងតំបន់របស់កម្ពុជាទទួលបានការគាំទ្រពីធនាគារអភិវឌ្ឍន៍អាស៊ី
- ការទម្លាយព័ត៌មានអ្នកជំនាញឯករាជ្យ៖ សហរដ្ឋអាមេរិកប្រើប្រាស់ទន្លេមេគង្គវាយប្រហារទៅលើប្រទេសចិន
- ព្រះពុទ្ធរូប៣អង្គនៅជាន់បាកាណអង្គរវត្តត្រូវបានក្រុមការងារអភិរក្សធ្វើការជួសជុលឡើងវិញ
- "វិទ្យាសាស្ត្របរិស្ថាន" បានក្លាយជាប្រធានបទថ្ងៃទី១ នៃកម្មវិធីមហោស្រពពិព័រណ៍វិទ្យាសាស្ត